Futures Studio ծրագրի հիմնադիրներ

• 

  Նունե Ալեքյան

  Հիմնադիր գործընկեր

  Նունե Ալեքյանը գիտությունների բակալավրի աստիճան է ստացել մարքեթինգի ոլորտում ԱՄՆ-ում (Clarkson University) և մագիստրոսի աստիճան՝ միջազգային բիզնեսի ոլորտում Ֆրանսիայում (École des Ponts): Հաջող առաջխաղացում է ունեցել Ռուսաստանում կորպորատիվ մարքեթինգի և ռազմավարության ուղղությամբ և Մեծ Բրիտանիայում՝դեղագործության և բիոտեխնոլոգիաների բնագավառում, ... Learn More

  Նունե Ալեքյանը գիտությունների բակալավրի աստիճան է ստացել մարքեթինգի ոլորտում ԱՄՆ-ում (Clarkson University) և մագիստրոսի աստիճան՝ միջազգային բիզնեսի ոլորտում Ֆրանսիայում (École des Ponts): Հաջող առաջխաղացում է ունեցել Ռուսաստանում կորպորատիվ մարքեթինգի և ռազմավարության ուղղությամբ և Մեծ Բրիտանիայում՝դեղագործության և բիոտեխնոլոգիաների բնագավառում, ինչպես նաև ապահովագրական բիզնեսում: Կորպորատիվ հատվածում կարիերան ավարտելուց հետո դարձել է Ժառանգության կապիտալացման կենտրոնի համահիմնադիրը: Այդ ոչ առևտրային կազմակերպությունը երկխոսության և համագործակցության հարթակ էր պետության, մասնավոր ներդրողների և փորձագետների համար Ռուսաստանի լքված ճարտարապետական հուշարձանների ուսումնասիրության, վերականգնման և երկրի սոցիալ-տնտեսական կյանքում ընդգրկելու հայեցակարգի մշակման գործում:
  
  2008 թվականին Նունե Ալեքյանը մասնակցել է Հայաստանում Դիլիջանի միջազգային դպրոցի ռազմավարության մշակմանը (ներկայումս՝ UWC Dilijan), որը սոցիալական ձեռնարկատեր և բարեգործ Ռուբեն Վարդանյանի և Վերոնիկա Զոնաբենդի նախագիծն էր: Մասնակցել է ՍԿՈԼԿՈՎՈ Մոսկվայի կառավարման դպրոցի կայացմանը՝ հիմնադրված ռուսաստանյան և միջազգային գործարար ընկերակցության նախաձեռնությամբ, որի ստեղծման գաղափարը նույնպես Վարդանյանինն է:
  
  2017-2018 թթ. Ռուբեն Վարդանյանը և Նունե Ալեքյանը, վենչուրային ձեռնարկատեր և բարեգործ Նուբար Աֆեյանի մասնակցությամբ, գրել են «Ճամփաբաժանին. որոշումների ժամանակը» ձեռագիրը, որում շարադրել են XXI դարում աշխարհի, ինչպես նաև Հայաստանի և հայերի ապագայի իրենց տեսլականը: «Ճամփաբաժանին» ձեռագրի աշխատանքը «Հայաստան-2041» նախագծի սկիզբը դրեց: Դրա նպատակն է շարունակել երկրի և ազգի ապագայի շուրջ բանավեճը, որ ձեռնարկվել է հասարակությունում 2002 թվականին «Հայաստան-2020» նախագծի շրջանակներում: Այդ բանավեճի արգասիքը կդառնա Հայաստանի և հայ ժողովրդի զարգացման երկարաժամկետ ռազմավարության մշակումը:

• 

  Նուբար Աֆեյան

  Հիմնադիր գործընկեր

  «Ավրորա» ֆորումի համահիմնադիր; Flagship Pioneering ընկերության հիմնադիր և գործադիր տնօրեն; գյուտարար, «Ճամպաբաժանին. որոշումների ժամանակը» հայեցակարգի համահեղինակ; ձեռներեց և բարերար Նուբար Աֆեյանը Flagship Pioneering ընկերության հիմնադիրն է, որը մարդկային կյանքին առնչվող գիտաճյուղերում իրականացնում է կարևորագույն համակարգային նորարարություններ: ... Learn More

  «Ավրորա» ֆորումի համահիմնադիր; Flagship Pioneering ընկերության հիմնադիր և գործադիր տնօրեն; գյուտարար, «Ճամպաբաժանին. որոշումների ժամանակը» հայեցակարգի համահեղինակ; ձեռներեց և բարերար
  Նուբար Աֆեյանը Flagship Pioneering ընկերության հիմնադիրն է, որը մարդկային կյանքին առնչվող գիտաճյուղերում իրականացնում է կարևորագույն համակարգային նորարարություններ: Նա իր 30-ամյա գործունեության ընթացքում համահիմնադրել և օգնել է կայանալ 40 հաջողակ նորաստեղծ ընկերությունների։ Այժմ դասախոսում է Հարվարդի բիզնես դպրոցում, իսկ անցյալում եղել է Մասաչուսեթսի տեխնոլոգիական համալսարանի (MIT) ավագ դասախոս: Նա արժանացել է Համաշխարհային տնտեսական ֆորումի «Տեխնոլոգիական առաջնորդ» մրցանակին։
  
  Դոկտոր Աֆեյանը Մասաչուսեթսի տեխնոլոգիական համալսարանի հոգաբարձուների խորհրդի և Բոստոնի սիմֆոնիկ նվագախմբի ղեկավար խորհրդի անդամ է, ՀԲԸՄ, IDeA հիմնադրամի և UWC Դիլիջանի միջազգային դպրոցի՝ կառավարման խորհուրդների անդամ։ 2008թ. պարգևատրվել է Էլիս Այլենդի Պատվո մեդալով, որը շնորհվում է ԱՄՆ այն քաղաքացիները, որոնք իրենց ազգային համայնքներին օգնել են պահպանել ինքնությունը՝ միաժամանակ դառնալով ամերիկյան կյանքի բաղկացուցիչ մաս։ 2016թ. արժանացել է Կարնեգի կորպորացիայի «Մեծ ներգաղթյալ» պատվավոր կոչմանը։ Նուբար Աֆեյանը 2015թ. համահիմնադրել է «Ավրորա» մարդասիրական նախաձեռնությունը։

• 

  Պիեռ Գյուրջյան

  Հիմնադիր գործընկեր

  Պիեռ Գյուրջյանը IDeA Europe հիմնադրամի տնօրենն է, գործառնական առաջնորդության և փոփոխությունների կառավարման փորձագետ: IDeA Europe հիմնադրամը մշակում և կյանքի է կոչում երկրների զարգացման նորարարական մոտեցումներ՝ դրանց կիրառման առաջնային երկիր դիտարկելով Հայաստանը: Պիեռը Բելգիայի խոշորագույն համալսարաններից մեկի՝ Բրյուսելի ազատ համալսարանի և UCB ... Learn More

  Պիեռ Գյուրջյանը IDeA Europe հիմնադրամի տնօրենն է, գործառնական առաջնորդության և փոփոխությունների կառավարման փորձագետ: IDeA Europe հիմնադրամը մշակում և կյանքի է կոչում երկրների զարգացման նորարարական մոտեցումներ՝ դրանց կիրառման առաջնային երկիր դիտարկելով Հայաստանը:
  
  Պիեռը Բելգիայի խոշորագույն համալսարաններից մեկի՝ Բրյուսելի ազատ համալսարանի և UCB բելգիական բիոֆարմացեպտիկ ընկերության տնօրենների խորհրդի նախագահն է, ինչպես նաև Lhois բելգիական ինդուստրիալ ընկերության (աշխարհում կրաքարի արտադրության ոլոտում առաջատարն է) և Հայաստանի ամենամեծ բանկի՝ Ամերիայի տնօրենների խորհրդի անդամ:
  
  Պիեռը քսանյոթ տարի շարունակ եղել է ՄըքՔենզի համաշխարհային խորհրդատվական ընկերության (McKinsey & Company) ավագ գործընկեր, որից յոթ տարին աշխատել է Բելգիա-Լյուքսեմբուրգ գրասենյակի կառավարող-գործընկեր, ինչպես նաև՝ Եվրոպայում, Մերձավոր Արևելքում և Աֆրիկայում ՄըքՔենզի ընկերության մարդկային ռեսուրսների միջազգային պատասխանատու:
  
  Պիեռը Երիտասարդ նախագահների կազմակերպության (Young Presidents Organization) անդամ է, նախկինում եղել է նաև «Երիտասարդական մեկնարկ» (YouthStart) կազմակերպության Բելգիայի մասնաճյուղի և Բելգիայի Հարվարդի ակումբի (Harvard Club of Belgium) նախագահը։
  
  Ներգրավված է եղել առաջնորդությանը նվիրված բազմաթիվ համաժողովներում՝ շեշտադրելով խոհեմ առաջնորդության կարևորությունը: Պիեռը Բրյուսելի ազատ համալսարանի բիզնես դպրոցում դասավանդում է «Գլխավոր գործադիր տնօրենի հեռանկարը» ավարտական կուրսը:
  
  Ավելին, Պիեռն աջակցել է «Հայաստան 2020» հետազոտական կենտրոնի (Think Tank) զարգացմանն ու ներգրավված է Եվրոպայում և Հայաստանում գործող բազմաթիվ մարդասիրական և ձեռնարկատիրական նախաձեռնություններում:
  
  Պիեռը Կոմերցիոն ինժեներիայի ոլորտում Բրյուսելի բաց համալսարանի դիպլոմակիր է, ինչպես նաև Հարվարդի բիզնես դպրոցի մագիստրոս:

• 

  Վերոնիկա Զոնաբենդ

  Հիմնադիր գործընկեր

  Վերոնիկա Զոնաբենդը UWC Դիլիջան միջազգային դպրոցի հիմնադիր գործընկերն է և կառավարման խորհրդի նախագահը: Դպրոցն Արևելյան Եվրոպայում և ԱՊՀ տարածքում առաջին կրթական հաստատությունն է, որը միացել է «Աշխարհի միացյալ քոլեջներ» ցանցին։ Նա Միացյալ աշխարհի քոլեջներ (UWC International) միջազգային ցանցի (Մեծ Բրիտանիա) և Հայաստանի ամերիկյան համալսարանի ... Learn More

  Վերոնիկա Զոնաբենդը UWC Դիլիջան միջազգային դպրոցի հիմնադիր գործընկերն է և կառավարման խորհրդի նախագահը: Դպրոցն Արևելյան Եվրոպայում և ԱՊՀ տարածքում առաջին կրթական հաստատությունն է, որը միացել է «Աշխարհի միացյալ քոլեջներ» ցանցին։ Նա Միացյալ աշխարհի քոլեջներ (UWC International) միջազգային ցանցի (Մեծ Բրիտանիա) և Հայաստանի ամերիկյան համալսարանի հոգաբարձուների խորհուրդների անդամ է, նախագահում է «Դասավանդի՛ր Հայաստան» կրթական հիմնադրամի տնօրենների խորհուրդը:
  
  Վերոնիկա Զոնաբենը մեծապես ներգրավված է բարեգործության ոլորտում՝ կարևորելով գլոբալ կրթությունը: Իր ամուսնու՝ Ռուբեն Վարդանյանի հետ միասին հիմնադրել է RVVZ ընտանեկան հիմնադրամը և «Հայաստանի զարգացման նախաձեռնություններ» (IDeA) բարեգործական հիմնադրամը, որը կայուն զարգացմանն ուղղված բարեգործական ծրագրեր է իրականացնում Ռուսաստանում և Հայաստանում: Նրանք համահիմնադրել են Noôdome Membership Club & Space հարթակը՝ գործարարության, մշակույթի, կրթության, գիտության, տեխնոլոգիաների և այլ ոլորտների ներկայացուցիչների միջև երկխոսություն խթանելու նպատակով:
  
  2000-ական թթ. Վերոնիկա Զոնաբենդն զբաղվել է ձեռներեցությամբ և ծրագրեր իրականացրել այնպիսի բազմազան ոլորտներում, ինչպիսին են հյուրընկալությունը և կինոարտադրությունը: Հիշատկման արժանի ծրագրերից է «Կոկո Շանել և Իգոր Ստրավինսկի» գեղարվեստական ֆիլմի համատեղ արտադրությունը, որի ցուցադրմամբ փակվել է 2009 թ. Կաննի կինոփառատոնը:
  
  Մինչ այդ մի քանի տարի նա աշխատել է բանկային համակարգում՝ զբաղեցնելով տարբեր պաշտոններ, այդ թվում՝ Տվերունիվերսալբանկի արտարժույթի բաժնի տնօրենի տեղակալի պաշտոնը։
  Մոսկվայի ավիացիայի ինստիտուտում որպես ավիաինժեներ վերապատրաստվելուց հետո Վորնիկա Զոնաբենդը սկսել է իր կարիերան Ռուսաստանի Ավիացիոն համակարգերի գիտահետազոտական ինստիտուտում:

• 

  Դավիթ Թավադյան

  Հիմնադիր գործընկեր

  Դավիթն ունի ֆինանսական ինդուստրիայի ավելի քան տասնհինգ տարվա կենսափորձ՝ սկսած «ԲիՍիԷյ» հետազոտական խմբից մինչև «Կրեդիտ Ագրիկոլ», «Սիթի» բանկեր և «Կոմերզբանկ»: Դավիթը բակալավրի և մագիստրոսի գիտական աստիճան է ստացել Բարձրագույն առևտրային ուսումնասիրությունների Մոնրեալի դպրոցում (HEC), ինչպես նաև «ՍիԷֆԷյ» որակավորված ֆինանսական վերլուծաբան (CFA ... Learn More

  Դավիթն ունի ֆինանսական ինդուստրիայի ավելի քան տասնհինգ տարվա կենսափորձ՝ սկսած «ԲիՍիԷյ» հետազոտական խմբից մինչև «Կրեդիտ Ագրիկոլ», «Սիթի» բանկեր և «Կոմերզբանկ»: Դավիթը բակալավրի և մագիստրոսի գիտական աստիճան է ստացել Բարձրագույն առևտրային ուսումնասիրությունների Մոնրեալի դպրոցում (HEC), ինչպես նաև «ՍիԷֆԷյ» որակավորված ֆինանսական վերլուծաբան (CFA - Chartered Financial Analyst) է և ակումբի անդամ: Դավիթն ապրել և աշխատել է Կանադայում, Միացյալ Թագավորությունում, Ռուսաստանի Դաշնությունում և Արաբական Միացյալ Էմիրություններում: Դավիթը լիարժեքորեն տիրապետում է անգլերեն, ֆրանսերեն, ռուսերեն և հայերեն լեզուներին:
  
  davidt@futures-studio.org

• 

  Արման Ջիլավյան

  Հիմնադիր գործընկեր

  Արման Ջիլավյանը ղեկավարում է «Հայաստան 2041» հիմնադրամը։ Նա նաև համահիմնադիրն ու կառավարող-գործընկերն է MEDIACRAT ընկերության, որը Ռուսաստանի ամենադինամիկ ու արագ զարգացող հրատարակչական և գովազդային գործակալություններից է։ 2011 թ․ նա ստացել է «Ռուսաստանի մեդիա մենեջեր» մրցանակը։ Լինելով Մոսկվայի Լոմոնոսովի անվան պետական համալսարանի շրջանավարտ եւ ... Learn More

  Արման Ջիլավյանը ղեկավարում է «Հայաստան 2041» հիմնադրամը։ Նա նաև համահիմնադիրն ու կառավարող-գործընկերն է MEDIACRAT ընկերության, որը Ռուսաստանի ամենադինամիկ ու արագ զարգացող հրատարակչական և գովազդային գործակալություններից է։ 2011 թ․ նա ստացել է «Ռուսաստանի մեդիա մենեջեր» մրցանակը։ Լինելով Մոսկվայի Լոմոնոսովի անվան պետական համալսարանի շրջանավարտ եւ բանասիրական գիտությունների թեկնածու՝ Արման Ջիլավյանն ունի ավելի քան 20 տարվա աշխատանքային փորձ հրատարակչության, հաղորդակցության և լրատվամիջոցների կառավարման ոլորտում: 2015-2020 թվականներին Արման Ջիլավյանը ղեկավարել է «Ավրորա» մարդասիրական նախաձեռնությունը, որը հայկական փորձառությունը վերածում է «Երախտագիտությունն՝ ի գործ» համաշխարհային շարժման։ Այսօր նա շարունակում է աջակցել նախաձեռնության զարգացմանը՝ որպես «Ավրորա» հիմանդրամի Տնօրենների խորհրդի եւ Հիմնադիրների խորհրդի անդամ: Որպես IDeA բարեգործական հիմնադրամի խորհրդի անդամ, «Դիլիջանի զարգացման հիմնադրամի» խորհրդի համանախագահ և UWC Դիլիջան միջազգային դպրոցի Կառավարման խորհրդի անդամ՝ Արման Ջիլավյանն ակտիվորեն ներգրավված է Հայաստանում զարգացման և կրթական մի շարք նախաձեռնություններում:

• 

  Ռուբեն Վարդանյան

  Հիմնադիր գործընկեր

  Ռուբեն Վարդանյանը Հայաստանի և Ռուսաստանի գործարար առաջնորդ է, սոցիալական ձեռներեց և վենչուրային բարերար: Իր կնոջ՝ Վերոնիկա Զոնաբենդի և իր օտարազգի գործընկերների հետ համատեղ նա ներդրումներ է կատարում գլոբալ կրթության, Կայուն զարգացման նպատակների և մարդասիրական խնդիրների լուծմանն ուղղված լայնածավալ, բազմաշերտ ծրագրերում: Ականավոր ֆինանսիստ Ռուբեն ... Learn More

  Ռուբեն Վարդանյանը Հայաստանի և Ռուսաստանի գործարար առաջնորդ է, սոցիալական ձեռներեց և վենչուրային բարերար: Իր կնոջ՝ Վերոնիկա Զոնաբենդի և իր օտարազգի գործընկերների հետ համատեղ նա ներդրումներ է կատարում գլոբալ կրթության, Կայուն զարգացման նպատակների և մարդասիրական խնդիրների լուծմանն ուղղված լայնածավալ, բազմաշերտ ծրագրերում: Ականավոր ֆինանսիստ Ռուբեն Վարդանյանը ճանաչելի է թե՛ իր կոմերցիոն գործունեությամբ, թե՛ խորքային բարեգործական նախագծերով, որոնք շղթայական փոփոխություններ են խթանում և «ներառական էկոհամարակգ» ստեղծում, որը յուրաքանչյուր անհատին ինքազարգացման և ստեղծագործելու հնարավորություններ է տալիս՝ բացահայտելով նոր տաղանդներ:
  
  Այդ ծրագրերից են «Ավրորա» մարդասիրական նախաձեռնությունը, Հայաստանի գիտության և տեխնոլոգիաների հիմնադրամը, ՍԿՈԼԿՈՎՈ բիզնես դպրոցը (Ռուսաստան), UWC Դիլիջան միջազգային դպրոցը (Հայաստան), զբոսաշրջության և քաղաքային զարգացմանն ուղղված ծրագրերը, ինչպես նաև Հայաստանում և Հայաստանից դուրս պատմամշակութային ժառանգության պահպանման, ժառանգորդության և ունեցվածքի կառավարման հետ կապված կոմերցիոն, հետազոտական և կրթական ծրագրերը, բարեգործության ոլորտի զարգացմանն ուղղված սոցիալ-ձեռնարկատիրական նախագծերը, բնապահպանական հարթակը և բազմաթիվ այլ նախաձեռնություններ:
  1990-ականների վերջին և 2000-ականների սկզբին Ռուբեն Վարդանյանը ներգրավված էր այն խմբում, որը ձեռնարկեց Ռուսաստանի և Հայաստանի ապագայի շուրջ լայն հանրային քննարկում: Պրոֆեսիոնալ կառավարիչների հետ միասին 1999 թվականին Մոսկվայում նա հիմնադրեց «Ակումբ 2015»-ը, իսկ 2002 թ. հայազգի գյուտարար, ձեռներեց և բարերար Նուբար Աֆեյանի և գործընկերներ հետ՝ «Հայաստան-2020» ծրագիրը: Ռուբեն Վարդանյանի և իր գործընկերների նախաձեռնած ընթացիկ բազմաթիվ զարգացման ծրագրերը այս երկու նախաձեռնության ուղիղ արդյունքն են:
  
  Ռ. Վարդանյանն բազմիցս ներկայացրել է իր տեսակետները միջազգային ամենահրատապ մարտահրավերների և դրանց հաղթահարման ուղիների վարաբերյալ, իսկ «Ճամփաբաժանին» ձեռագրում, որը համահեղինակել է Նունե Ալեքյանի հետ և Նուբար Աֆեյանի մասնակցությամբ, նա անդրադառնում է Հայաստանի և հայ ժողովրդի ապագային՝ առաջարկելով իր տեսլականը: «Ճամփաբաժանին» ձեռագրով մեկնարկեց մեկ այլ՝ «Հայաստան-2041» ծրագիրը, որի նպատակն է շարունակել երկրի և ժողովրդի ապագայի շուրջ լայն հանրային քննարկումը, որը մեկնարկել էր դեռևս 2002 թվականին՝ «Հայաստան-2020» ծրագրով: Հանրային բանավեճի նպատակն է երկարաժամկետ զարգացման ռազմավարության մշակումը՝ ընդհուպ մինչև 2041 թվականը: Այս համատեքստում հետազոտություններ և քննարկումներ անցկացնելու նպատակով Ռ. Վարդանյանն իր գործընկերների հետ հիմնեց Futures Studio-ն՝ շահույթ չհետապնող անկախ կազմակերպությունը, որն ունի վերլուծական բաժին և քննարկումներ հարթակ:
  
  Ռուբեն Վարդանյանը իր ձեռնարկատիրական և բարեգործական գործունեության համար արժանացել է ռուսաստանյան և միջազգային բազմաթիվ մրցանակների: Դրանց թվում են կրթության ոլորտում ունեցած ներդրման համար Միջազգային բիզնես ակադեմիայի նախագահական մրցանակը և Search for Common Ground միջազգային շահույթ չհետապնդող կազմակերպության Common Ground Awards մրցանակը, որը շնորհվում է հակամարտությունների կարգավորման, բանակցությունների, համայնքային զարգացման և խաղաղության ամրապնդման գործում նշանակալի ձեռքբերումների համար:
  
  2001 թվականին «Ֆորչըն» ամսագիրը Ռուբեն Վարդանյանին ներառել է «Նոր սերնդի 25 ծագող աստղեր», իսկ Համաշխարհային տնտեսական համաժողովը՝ «Ապագայի 100 գլոբալ առաջնորդներ» ցանկերում:
  Ռուբեն Վարդանյանը պարգևատրվել է Սուրբ Գրիգոր Լուսավորիչ շքանշանով (Հայ Առաքելական եկեղեցու բարձրագույն պարգև), ինչպես նաև Սուրբ Մեսրոպ Մաշտոցի շքանշանով՝ «ՀՀ անկախության 20-րդ տարեդարձի առթիվ, ազգային շահերի պաշտպանության գործում ներդրած նշանակալի ավանդի, երկարամյա և արգասաբեր հայանպաստ գործունեության, Հայաստանի Հանրապետության զարգացման և առաջընթացի ապահովման գործում ցուցաբերած նվիրումի և մատուցած ծառայությունների համար»: