Հանդիպում 2020 թ. «Ավրորա» մրցանակի դափնեկիրների հետ

Ապրիլի 19-ին` Երևանի ժամանակով 19:00-ին (GMT+4) կանցկացվի քննարկում, որին կմասնակցեն 2020 թ. «Ավրորա» մրցանակի դափնեկիրները – Ֆարթուն Ադանը եւ Իլվադ Էլմանը, Սոմալիի «Էլման» խաղաղության եւ մարդու իրավունքների կենտրոնի ղեկավարները. Քննարկմանը նաև կմասնակցեն «Love Does» կազմակերպության գործադիր տնօրեն Դեյ Էրիկսոնը, «Փրաջվալա» կազմակերպության հիմնադիր, 2018 թ. «Ավրորայի» հերոս Սունիտա Քրիշնանը, «Փանզի» հիվանդանոցի եւ հիմնադրամի ռազմավարական գործընկերության եւ հաղորդակցության գծով տնօրեն Էմիլի Ուորնը։ Հանդիպումը կվարի Կոլումբիայի համալսարանի միջազգային հարաբերությունների եւ հանրային կառավարման դպրոցի մարդասիրական քաղաքականության հարցերով տնօրենի տեղակալ  Սյուզաննա Ա. Ֆրիդմանը։

2020 թ. «Ավրորա» մրցանակի դափնեկիրների հետ հանդիպումը նվիրված կլինի 2020 թ. դափնեկիրներին եւ շահույթ չհետապնդող այն կազմակերպություններին, որոնք ոգեշնչել են նրանց մարդասիրական գործունեության: Բանախոսները կներկայացնեն իրենց պատկերացումները նվիրատվության շղթայի մասին, թե ինչու է կարևոր, որպեսզի բոլորը մասնակից դառնան: Կանդրադառնան նաև բարու, արդարության և հավասարության ուժին ու դրա կարևորությանը, ինչն էլ պետք է խթանել:

Քննարկման լեզուն անգլերեն՝ համաժամանակյա հայերեն թարգմանության հնարավորությամբ:

Քննարկման օր եւ ժամ՝ ապրիլի 19-ին, Երևանի ժամանակով՝ 19:00 (GMT+4), Մոսկվայի ժամանակով՝ 18:00 (GMT+3), Լոնդոնի ժամանակով՝ 16:00 (BST), Նյու Յորքի ժամանակով՝ 11:00 (EST):

Մասնակցությունն անվճար է նախնական գրանցման (խնդրում ենք գրանցվել այստեղ) կամ  Ֆեյսբուքի Futures-Studio էջի հեռարձակման միջոցով: Խնդրում ենք նկատի ունենալ, որ համաժամանակյա թարգմանությունը հասանելի կլինի միայն Zoom-ով գրանցված մասնակիցներին:

Բանախոսներին ուղղված հարցերը կարող եք ուղարկել մեզ մինչ քննարկման սկիզբը discussion@futures-studio.org հասցեով։